Самарқандда 3 та ёнма-ён уйда ёнғин содир бўлди

Бугун, 6 декабрь Самарқанд тумани “Қозиқўрғон” МФЙда учта ёнма-ён хонадонда ёнғин содир бўлди. Бу ҳақда вилоят Фавқулодда вазиятлар бошқармаси Матбуот хизмати хабар берди.

Туман ФВБга соат 7:30 да “Қозиқўрғон” МФЙда жойлашган хонадонларда ёнғин содир бўлаётгани ҳақида хабар келиб тушган. Мазкур хабарга асосан воқеа жойига 6 та ёнғин-қутқарув экипажи соат 07:42 да етиб бориб, ёнғин 08:08 да қуршаб олинган ва соат 08:58 да бартараф этилган.

Ҳодиса оқибатида 3 та уйнинг жами 170 кв.м. майдонида том, шифт ва уй жиҳозлари ёниб зараланган.

Ёнғин оқибатида жабрланган ва ҳалок бўлганлар йўқ. Ҳозирда ёнғин сабаби ҳамда келтирилган моддий зарар миқдори аниқланмоқда.

×