Бугун, 17 апрел куни бош вазир Абдулла Арипов бошчилигида коронавирусга қарши кураш комиссиясининг кенгайтирилган йиғилиши бўлиб ўтмоқда.
“Биз ҳали чегараларимизни ёпганимиз йўқ, шуни билиб қўйинглар. Сабаби, барчасини тўхтатиб қўйиш учун асос бўладиган хавфни ҳали кўраётганимиз йўқ. Лекин касаллик кўпайишни бошлади, йил бошида кунига 15та ҳолат аниқланган бўлса, ҳозир 300тага чиқди.
Инфекция 6-7 фоизда олий таълим муассасаларида ва 11-15 фоиз ҳолатда умумий ўрта таълим муассасаларида юқтириб олинган. Бу ўтган йилги ҳолат билан таққосланадиган бўлса, ўшанда мактаб болаларида бу касаллик йўқ эди. Йил бошида британча штамм болалар ўртасида тарқалди, биз қатор мактаб ва боғчаларни ёпишга мажбур бўлдик. Яъни, ҳозир касаллик ҳам ўз турини ўзгартириб, янада хавфлироқ бўла бошлади. Аввал болаларга таъсир қилмаган бўлса, ҳозир аксинча бўляпти, ҳаттоки боғча болаларига ҳам таъсир қиляпти.
Африканча штамм ҳам бизга кирди, буни Илғор технологиялар маркази Санитария-эпидемиологик осойишталик хизмати билан биргаликда ўрганиб, ҳаммасини бир-биридан ажратиб чиқди. Ҳозир ҳам жуда чуқур таҳлил олиб бориляпти”, деди бош вазир.
Тасодифий хабарлар
Аёл рашк туфайли 9 ёшли қизни бошига уриб каналга ташлаб юборди
Шавкат Мирзиёев Эрдўған бошчилигидаги делегацияни қабул қилди
Ўзбекистонда сиам эгизаклари туғилгани ростми? Вазирлик изоҳ берди
Ўзбекистон Глобал инновацион индекс рейтингида 7 поғона кўтарилди
Ўзбекистон жаҳон бозорида олтин нархининг ошишидан фойда кўрди