Кеча, 18 ноябрь куни Москва шаҳрида Ўзбекистон Республикаси Ташқи ишлар вазири Абдулазиз Комилов Россия Федерацияси Ташқи ишлар вазири Сергей Лавров билан учрашди.
Ташқи сиёсат маҳкамалари раҳбарлари олий даражадаги Россияга кутилаётган ташрифга томонларнинг тайёрлиги юқори даражада эканини мамнуният билан қайд этдилар ҳамда давлатлараро муносабатларнинг долзарб масалаларини муҳокама қилдилар.
Икки мамлакатнинг халқаро ва минтақавий ташкилотлар доирасида яқин алоқаларни давом эттириш ва ўзаро қўллаб-қувватлашга тайёрлиги билдирилди.
Афғонистондаги вазият юзасидан фикр алмашилди.
Учрашув якунида вазирлар ахборот ва биологик хавфсизлик соҳасида қатор икки томонлама ҳужжатлар, шунингдек, Ўзбекистон Республикаси Ташқи ишлар вазирлиги ва Россия Федерацияси Ташқи ишлар вазирлиги ўртасида 2022-2023 йилларга мўлжалланган ҳамкорлик дастурини имзоладилар.
Эслатиб ўтамиз, бугун, 19 ноябрь куни Ўзбекистон Президенти Шавкат Мирзиёев Владимир Путиннинг таклифига биноан Россияга жўнаб кетди.
Тасодифий хабарлар
Йўл қоидасини бузган ЙПХ ходими жаримага тортилди
Мирзиёев Эрдўғанга ҳамдардлик билдирди
Мусаев ухламай, ухлатмай ишлаяпти. Вазир ярим тунда йиғилиш ўтказгани расман хабар қилинди
Депутат ИИВга: “Хатоларни яшириш эмас, тан олиш ва тўғрилаш лозим!”
Бозорларда нарх-наво қандай?