Бугун Наманган вилояти ҳокими, Ўзбекистон Республикаси Олий Мажлиси Сенати аъзоси Шавкат Абдураззоқов вилоятда соғлиқни сақлаш тизимида фаолият олиб бораётган фаоллар билан учрашди. Бу ҳақда ҳокимлик матбуот хизмати хабар бермоқда.
Республика шошилинч тиббий ёрдам илмий маркази Наманган филиали мажлислар залида кечган мулоқотда аҳолига кўрсатилаётган тиббий хизмат сифати ва самарадорлигини ошириш борасида олиб борилаётган саъй-ҳаракатлар, соҳа ишини янада ривожлантириш истиқболлари ва мавжуд муаммоларни ҳал этиш йўллари хусусида фикр юритилди.
Вилоят раҳбари учрашув аввалида соғлиқни сақлаш соҳасида амалга оширилаётган ислоҳотлар, айниқса тиббиёт моддий-техник имкониятларини ривожлантириш борасидаги хайрли ишлар, хорижлик ҳамкорлар билан рўёбга чиқарилиши кўзда тутилаётган лойиҳалар ҳақида гапириб берди.
Мулоқот ниҳоясида хорижий давлатлар, айниқса Россия Федерацияси, Туркия ва Грузиядаги етакчи тиббиёт марказларига тажриба алмашишга юборилаётган бир гуруҳ ёш мутахассисларга тўлов сертификатлари тантанали равишда топширилди.
Тасодифий хабарлар
Официантлик қилаётган Ўзбекистон чемпиони: «Пул топиш учун ҳаммасига розиман, фақат фоҳишаликка эмас!»
Депутат терговга тортиладиган бўлди – Бош прокуратура
Шавкат Мирзиёев ёнганларнинг оиласига ёрдам кўрсатишни буюрди
Телефон ва компьютерларнинг мияга салбий таъсири аниқланди
Cobalt тез ёрдам машинаси билан тўқнашди. Бир киши ҳалок бўлди