Бенгалиялик Абдулқуддус Мунсий 82 ёшида 100 ёшли онаси билан қайта топишишга муваффақ бўлди. Она ва бола 72 йиллик айрилиқдан кейин яна бирга бўлиш бахтига муяссар бўлишди.
Daily Mail нашрининг хабар беришича, Мунсийни 10 ёшида муайян муддатга амакисиникига яшаб туришга жўнатишган. Бироқ Мунсийнинг амакиси тез орада жияни билан алоқани йўқотган. Шундан кейин у янги оилада тарбиялана бошлаган ва онаси билан барча алоқа узилган.
72 йил ўтиб эркак онасини излашда ёрдам сўраб маҳаллий тадбиркорга мурожаат қилган. Тадбиркор Мунсий онасини излаётгани ҳақидаги видеони ижтимоий тармоқларда жойлаштирган. Видеони Мунсийнинг узоқ қариндоши кўриб, у билан боғланган ва онаси ҳамон ҳаётлигини, қишлоққа қандай келиши мумкинлигини айтган.
Шундан кейин Қуддус онаси билан кўришиш учун 350 км йўл босиб ўтган ва охир-оқибат унинг орзуси ушалган. У онасини қўлидаги чандиғидан таниган.
“Онам анча кекса ёшда ва шу сабабли яхши гапира олмайди. У мени қўлимдан ушлаб, тинмай йиғлади. Мен эса унга ўғли энди ёнида эканини ва хавотирланишига бошқа сабаб йўқлигини айтдим”, деб сўзлаган қария.
Тасодифий хабарлар
Фарғонада қиморхона очган шахс қўлга олинди
Бокс бўйича Ўзбекистон чемпионатига қуръа ташланди
UzAuto Motors мижозлар билан шартномалар тузишни март ойидан бошлайди
Кутилмаган баёнот: коронавирус одамни ўлдиришга мўлжалланмаган
Тиббиёт олий ўқув юртларида аънавий таълим шаклига рухсат берилди