Бугундан Ўзбекистонга Эрондан иссиқ об-ҳаво киради

18 августда кундуз куни Ўзбекистон ҳудудига Эрон ҳудудларидан нисбатан иссиқ ҳаво кириб келиши қайтадан бошланади.

Республика бўйича кам булутли об-ҳаво сақланиб туради, ёғингарчилик кутилмайди. Шимол ва чўл ҳудудларининг баъзи жойларида шамол 15-20 м/с гача кучайиши мумкин. Ҳарорат 33-38° гача кўтарилади.

Пойтахтимизда қуёшли бўлади. Ҳаво 33-35° гача исийди.

Тоғли ҳудудларда ёғингарчилик кутилмайди. Шамол 7-12 м/с тезликда эсади. Ҳарорат 22-27° бўлади.