Россия ҳарбий хизматчилари Афғонистон билан чегарада машғулотлар тугагандан сўнг, Ўзбекистонни тарк этди. Бу ҳақда Россия Марказий ҳарбий округи Матбуот хизмати хабар берди.
“Тинчликпарварлик бўлинмаси ва Марказий ҳарбий округ махсус кучлари бригадаси ҳарбий хизматчилари Сурхондарё вилоятидаги Термиз полигонида бўлиб ўтган қўшма машғулотлар якунлангач, Ўзбекистон Республикасидан Россияга қайтди”, дейилади хабарда.
Қайд этилишича, Россия ва Ўзбекистон ҳарбий хизматчилари Марказий Осиё минтақаси давлатларининг ҳудудий яхлитлигини таъминлаш учун жанговар тайёргарлик вазифаларини бажаришда ўзаро ҳамкорлик қилиш масалаларини ишлаб чиққан.
Қўшимча қилинишича, машғулотда Россия Федерацияси ва Ўзбекистон Республикаси Қуролли Кучларининг 1,5 мингга яқин ҳарбий хизматчилари қатнашган. Ҳарбий ўқув машғулотлари жорий йилнинг 2 августидан 6 августигача Афғонистон билан чегарадош ҳудудда, ҳарбий техника, шу жумладан авиацияни жалб қилган ҳолда ўтказилган.
Тасодифий хабарлар
АҚШ 6 минг талаба визасини бекор қилди
«Амирсой» яқинида содир бўлган кўчки юзасидан расмий муносабат билдирилди
Фарғона вилоятига янги ҳоким тайинланди
Ўзбекистонда эртага қандай об-ҳаво кузатилади?
Шавкат Мирзиёев чет эл сафарига жўнаб кетди