Ижтимоий тармоқларда эркак кичик ёшдаги болани камар билан калтаклаётгани акс этган видео тарқалди.
Ҳолат Болалар омбудсмани томонидан кузатувга олинган.
Аниқланишича, жорий йилнинг 23 июнь куни Самарқанд вилояти Тойлоқ туманида яшовчи Ш.Н. (1988 йил, эркак) ўзи билан бирга 2024 йилдан шаърий никоҳда бўлган Т.Д. нинг 2017 йилда туғилган, фарзанди Э.О. ни (6 яшар ўғил бола) яшаш хонадони ҳовлисида қўлида бўлган камар билан калтаклаган.
Ҳолат юзасидан 24 июнь куни терговга қадар текширув бошланди. Вояга етмаган О.Э.да тан жароҳатлари аниқланиб, ҳозирда болага тиббий ёрдам кўрсатилмоқда. Бу борада суд тиббиёт экспертизаси тайинланган.
Шунингдек, Ш.Н. Тойлоқ тумани тиббиёт бирлашмаси тиббий кўригидан ўтказилганда, унинг руҳиятида ўзгаришлар борлиги аниқланиб, Самарқанд вилояти руҳий касалликлар шифохонасига ётқизилди ва унинг ҳолати юзасидан суд-психиатрик экспертиза тайинланди.
Мазкур ҳолат юзасидан Тойлоқ тумани ИИБ ҳузуридаги ТБ терговга қадар текширув ҳаракатлари олиб бормоқда.
Тасодифий хабарлар
«Марказий Марғилон кўчаси тўла таъмирланади» - Наманган шаҳри ҳокимлиги танқидий мақола юзасидан брифинг ўтказди
«Террорчиларнинг мақсади Ўзбекистонга ўтиш бўлган» – Эксперт
“Абу Сахий”даги пичоқбозлик бўйича ИИВ расмий маълумот берди
Toshkent shahriga yangi bosh imom-xatib tayinlandi
Тошкент телеминорасини чақмоқ ургани рад этилди