O‘zbekiston termasi Turkiya, Kataloniya terma jamoalariga qarshi maydonga tushadi

Rossiyada iyul oyining ohirida bo‘lib o‘tadigan, futbol bo‘yicha Xalqaro Superkubok musobaqasida, mehribonlik uyi tarbiyalanuvchilaridan iborat O‘zbekiston terma jamoasi qatnashadi.

Joriy yilning 29 iyul – 1 avgust kunlari Rossiyada mehribonlik uyi tarbiyalanuvchilaridan iborat terma jamoalar o‘rtasida xalqaro Superkubok musobaqasi bo‘lib o‘tadi. Bu haqda O‘FA xabar bermoqda.

Sochi yoshlarni chorlamoqda

Sochida tashkillashtirilayotgan turnirda, Jamshid Asadov boshchiligidagi mehribonlik uyi tarbiyalanuvchilaridan iborat O‘zbekiston terma jamoasi ham o‘z kuchini sinab qo‘radi.

Rossiya, Turkiya va Kataloniyaga qarshi kurash

Ma’lumot uchun, xalqaro Superkubok musobaqasi reglamenti bo‘yicha, turnirda 2004-2005 yillarda tug‘ilgan futbolchilar to‘p suradi. Aytib o‘tish joizki, ishtirokchilar ro‘yxatida Rossiya, Turkiya, O‘zbekiston va Kataloniya kabi terma jamoalar bor.