Кашандаларнинг коронавирусга чалиниш хавфи юқори бўладими?

Кашандаларда чекмайдиганларга нисбатан коронавирусга чалиниш хавфи юқорими?

Ушбу саволга Коронавирусга қарши кураш штаби аъзоси Барно Одилова жавоб берди:

"Ҳа, юқори. Чунки сигарет тутуни нафас фаолиятини пасайтириши, ўпка алвеолаларни, юқори ва пастки нафас йўллари шиллиқ қавватларини жароҳатлаши илмий тасдиқланган. Бу ҳолатга коронавируснинг қўшилиши инсон аҳволини янада оғирлаштиради.

Сигарет тутуни чекувчини атрофдагиларига ҳам салбий таъсир этади. Айниқса болаларда аллергик касалликларга мойилликлар пайдо бўлади, шу билан бронхиал астмани ривожлантириши мумкин".