Ўзбекистонда жорий йилнинг 10 июлидан карантин чоралари кучайтирилганига қарамай, коронавирусга чалиниш ҳолатлари камайиши кузатилаётгани йўқ. Аксинча, 27 июль куни антерекорд янгиланди.
27 июль куни мамлакатда 678 ҳолатда касаллик қайд этилган бўлиб, уларнинг барчаси коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Шу билан бирга, бугун Тошкент шаҳрида 5 нафар коронавирусга чалинган бемор вафот этди.
Аввал хабар қилганимиздек, бугун Тошкент шаҳри, Тошкент, Қашқадарё, Андижон, Наманган, Сирдарё, Фарғона ҳамда Жиззах вилоятларида жами 569 нафар бемор соғайди.
Ҳозирда касаллик қайд этилган жами 21 209 нафар бемордан 11 674 нафари соғайиб, даволаниш кўрсаткичи 55 фоизни ташкил этмоқда.
Айни пайтда тиббиёт муассасаларида даволанаётган 9 414 нафар бемордан 214 нафари оғир, 83 нафари эса ўта оғир аҳволда.
Ҳозирда мамлакатда уй карантинида 67 155 нафар, стационар карантинда эса 25 178 нафар фуқаро тиббий кузатувда бўлиб турибди.
Тасодифий хабарлар
Инфантино Мессининг FIFA қоидасини бузишига йўл қўйиб берди
Президент танқидий руҳда йиғилиш ўтказди
Демак, афсона! Олимлар Лох-Несс махлуқининг мавжудлиги борасида ҳеч қандай далил топа олишмади
Песков Россия қачон урушни тўхтатишини маълум қилди
Италиянинг икки машҳури Шомуродовга “оғиз солмоқда”