Наманганда Санитария-эпидемиологик осойишталик маркази мансабдор шахсларига жиноий иш очилди. Бу ҳақда EFFECT.UZ ахборот агентлигига Бош прокуратура вакили хабар берди.
Бош прокуратура ҳузуридаги Департаментнинг Наманган вилояти бошқармаси томонидан ўтказилган терговга қадар текширувда, Наманган вилояти Санитария-эпидемиологик осойишталик маркази мансабдор шахслари ва бошқалар “Farm Family Biznes”, “AVIKON TEX” ҳамда “Hymo Standart” МЧЖлар билан шартнома тузишиб, 524,8 млн. сўмлик “гипохлорид калций 65%” номли дезинфекцияловчи воситаларини сотиб олинган кунидаги биржа нархларидан 248,9 млн. сўмга қиммат нархда сотиб олиб, жуда кўп миқдордаги бюджет маблағларини ўзлаштириш ва растрата қилиш йўли билан талон-торож қилишганлиги аниқланган.
3 июль куни бошқарма томонидан вилоят Санитария-эпидемиологик осойишталик маркази мансабдор шахслари ва бошқаларга нисбатан ЖКнинг 167-моддаси 3-қисми “а” банди билан жиноят иши қўзғатилиб, прокуратурага юборилган.
Тасодифий хабарлар
Ўзбекистон АҚШ ва Эрон ўртасидаги келишувни олқишлади
Ҳокимлик ва банк мансабдорлари қўлга олинди
ОИТСга чалинган бўлса-да, эркаклар билан яқин муносабатда бўлган қиз аниқланди (ВИДЕО)
«Дебют - 2021» ёшлар миллий кинофестивали бўлиб ўтади
Аҳвол жиддийлашмоқда: Тошкентда 200га яқин бемор аниқланди