Россиянинг Сеченов университети олимлари коронавирусга қарши вакцинани синовдан ўтказишни муваффақиятли якунлади. Бу ҳақда Трансляциявий тиббиёт институти ва биотехнология университети директори Вадим Тарасов РИА Новости ахборот агентлигига маълум қилган.
Вакцинанинг клиник тажрибаси 18 июнда бошланган. Уни эпидемилог ва микробиолог мутахассислар ишлаб чиққан.
Тадқиқотнинг илк гуруҳида қатнашган кўнгиллиларга чоршанба куни, иккинчи гуруҳига эса 20 июль куни жавоб берилиши кутилмоқда. Таъкидланишича, тадқиқотда вакцинанинг инсон саломатлигига хавфи йўқлигини исботлаш олимлар учун энг муҳими бўлди.
Тадқиқотда кўнгиллилар аввал тўлиқ текширувдан ўтказилди, хусусан, коронавирусга антитанача йўқлиги текширилди. Сўнг улар 14 кунга изоляция қилинди, кейин эса иммунизация ўтказилди. Биринчи гуруҳдагиларга вакцинанинг битта дозаси, иккинчи гуруҳдагиларга эса иккита дозаси берилди.
Олимлар таъкидлашича, ҳозирда ҳаммаси ўзини яхши ҳис қилишмоқда. Инъекция организмга салбий таъсир кўрсатмаган, фақат илк кунларда иситма чиққан.
Тез орада вакцина синовдан ўтказилган кўнгиллилар одатий ҳаёт тарзига қайтарилади, спорт билан шуғулланишлари, таълим олишлари, ишга боришлари мумкин. Уларга жавоб берилгандан кейин ҳам шифокорлар назоратида бўлишади.
Тасодифий хабарлар
Саудия Арабистонида кучли жазирама туфайли 14 нафар зиёратчи Ҳаж вақтида вафот этди
Россия авиакомпанияларига Ўзбекистонга мунтазам парвозларни амалга оширишга рухсат берилди
«АҚШни нохуш нарсалар кутмоқда»: Ким Чен Иннинг синглиси таҳдидли чиқиш қилди
АҚШ Ўзбекистонга 2,8 млн долларлик ҳарбий техника совға қилди
Тошкентда инспектор 13 яшар болани калтаклаб, машинага “босиб” олиб кетди (ВИДЕО)