Коронавирусга чалинган аёл лифтдан фойдаланиб, 1 дақиқада 71 кишига вирус юқтирди

Бир аёл Covid-19 билан касалланган, аммо унда вирус аломатларсиз кечган. Аёл лифтда бир дақиқа давомида ҳаракатланган ва 71 кишига вирус юқтирган. Бу ҳақда AҚШ Касалликларни назорат қилиш маркази томонидан ўтказилган тадқиқотда айтилган.

Олимлар вирус юқтирган битта одамнинг эпидемиологик вазиятга қандай таъсир қилиши мумкинлигини аниқлашга ҳаракат қилишди.

Оммавий инфекция ҳолатларининг ҳолатини ўрганишда мутахассислар Хитойнинг иккита касалхонасида эпидемияни текширдилар. Маълум бўлишича, инсультга чалинган, янги вирусни юқтирган одам тиббий муассасалардан бирига етказилган. Даволаниш пайтида у 20 кишига, жумладан ўғилларига касалликни юқтирган. Улар эса яна 28 кишининг коронавирусга чалинишига сабаб бўлган.

Шифокорлар узоқ вақт давомида биринчи хасталанган одамнинг вирусни кимдан юқтирганини аниқлашга ҳаракат қилишди. Охир-оқибат, инсультга чалинган одам яшаган кўп қаватли уйнинг барча аҳолисини текширишга қарор қилинди. Маълум бўлишича, ушбу уйнинг аҳолисидан бири AҚШдан келган ва ўзини яхши ҳис қилган бўлса ҳам, ўзини изоляция қилган. Мутахассислар унинг барча ҳаракатлари скелетини туздилар ва бирон бир юқтирган одам билан алоқаси йўқлигини аниқладилар. Шундай қилиб, мутахассислар аёл инфекцияни вирусга чалинган одам фойдаланган лифт орқали юқтирган деган хулосага келишди. Эҳтимол, бошқа одамлар ҳам лифт тугмаларига тегиниб, вирус юқтирган.

"Бизнинг натижаларимиз шуни кўрсатадики, битта аломатларсиз бемор ҳам инфекциянинг кенг тарқалишига олиб келиши мумкин", – дея хулоса қилди тадқиқот муаллифлари.