Ақлли соатлар шифокор бўла олмайди

Тиббиёт фанлари доктори, эндокринолог шифокор Светлана Мирная ақлли соат ва электрон билакузуклар саломатлик ҳолати ҳақида хабар бермаслигини таъкидлади.

Улар пульс, қон босими, уйқу сифати, қадам, калория сарфи ҳақида ўта тахминий маълумотлар берадилар. Бундай мосламаларни фақат фойдаланувчига мотивация бериш жиҳатидан оқласа бўлади.

Гаджетдаги кўрсаткичлардан келиб чиққан ҳолда дори ичиш ёки қабул қилаётган дорилари дозасини ўзгартириш мутлақо мумкин эмас.

Ақлли соат ёки браслет номдор фирмага тегишлилиги ёҳуд нархи баландлигидан қатъий назар уларга ташхис манбаи дея суяниб қолиш нотўғридир.