Наманганда ижтимоий тармоқ фаоллари боқувчисини йўқотган оилаларга 70 тонна кўмир тарқатди. Бу ҳақда «Дарё» мухбири Азизбек Абдувалиев хабар бермоқда.
Ижтимоий тармоқ фаоллари саҳоватли инсонлар кўмагида 50 тонна кўмир учун маблағ тўплади. Ташаббусдан хабар топган «Кўмир таъминот» жамияти вилоят филиали мутасаддилари ўз ҳисобларидан яна 20 тонна кўмир қўшиб берди.
— Нафақат қўшиб беришди, балки қопларга жойлаб, биз тарқатишни кўзлаган манзилга автотранспортда элтиб ҳам беришди. Бунинг учун уларга миннатдорлик билдирамиз. Қишнинг совуқ кунларида уйларига ҳарорат кирган оилаларнинг дуоларидан умидвормиз, — дейди фаоллардан бири Муҳаммад Икром.
Муҳаммад Икромга кўра, 70 тонна кўмир Наманган шаҳри ва шаҳарга яқин ҳудудлардаги 140 та боқувчини йўқотган оилага 500 килограммдан тақсимланди.
Тасодифий хабарлар
Ўзбекистон аҳолиси 1 апрель ҳолатига 36,2 миллионни ташкил этган – статистика
Нурсултон Рўзибоевнинг жанги муддатидан олдин якунланди
Абдулазиз Мансур Янги йилни кутиш ва нишонлаш ҳақидаги гапларни рад этди
Зеленский Путин билан музокарага тайёрлигини айтди
Пригожинга ўлим ҳукми ўқилди – Украина разведкаси