Тошкентда карантин вақтида ресторанлардан бири иш бошлади. Нега?

Бугун Тошкентда ресторанлардан бири, карантин бўлишига қарамай, иш бошлаган. Бу ҳақда газета.uz хабар қилди.

Бугун Тошкентдаги ресторанларнинг бири карантин қоидаларига амал қилган ҳолда иш бошлаши ҳақида хабарлар тарқалди. Бунинг натижасида тармоқларда ушбу ҳолат кескин муҳокамлаларга сабаб бўлди. Чунки Республика махсус комиссиясининг 2020 йил 8 майдаги йиғилиши баёнига мувофиқ туман (шаҳар)ларни кўнгилочар объектлар — тунги клублар, дискотека, ресторан, кафе, ошхона, чойхона, спа ва массаж салонлар, караоке, бильярд заллари, чилим (кальян) ва компьютер ўйинлари марказлари фаолиятига йўл қўймаслик белгилаб қўйилган эди.

Газета.uz таҳририятининг маълум қилишича, ҳозирда пойтахт Тошкент шаҳрида умумий овқатланиш жойлари учун карантин қоидаларини юмшатиш режалаштирилмоқда. Шу сабабдан ҳам Тошкентдаги ресторанларнинг бири тажриба тариқасида танланган.