Интернет саҳифалари ва ижтимоий тармоқларда 8 май куни баландлиги 375 метр бўлган Тошкент телеминорасини чақмоқ ургани ҳақида хабарлар ва чақмоқ уриши жараёни акс этган видео тарқалган эди.
«Радиоалоқа, радиоэшиттириш ва телевидение маркази» давлат унитар корхонаси, ушбу ҳодиса бўйича расмий изоҳ берди.
«Тошкент шаҳридаги кузатилган ноқулай об-ҳаво шароити вақтида Тошкент телеминорасига тўғридан-тўғри чақмоқ уриш ҳодисаси содир бўлмаган, яъни видео олинган ракурсдан чақмоқ урганлиги қайд этилган бўлсада, аслида чақмоқ содир бўлиши Телеминорадан маълум бир масофада бўлиб ўтганлигини билдирамиз», — дейилади изоҳда.
Қайд этилишича, Тошкент телеминорасида бугунги кунда барча техник қурилмалар барқарор ишламоқда ва аҳолига рақамли телевидение ҳамда радиоэшиттириш дастурлари узлуксиз тарқатиб келинмоқда.
Таъкидланишича, Республикамизнинг ноёб архитектура иншооти бўлмиш Тошкент телеминораси кучли чақмоқ уришига қарши ҳимоя тизими ва ерга уланиш контурлари билан таъминланган. Шу сабабли, чақмоқ урган тақдирда ҳам, ҳеч қандай хавф ва хавотирга асос йўқ.
Manba: Xabar.uz
Тасодифий хабарлар
Беш киши камон ўқидан ҳалок бўлди
500 минг сўмлик моддий ёрдам қачон, кимларга, қай тартибда берилади?
Инвесторлар аввал “газинг, сувинг, “свет”инг борми”, деб сўрайди – Президент
Жанубий Корея разведкаси собиқ раҳбари 9 йилга озодликдан маҳрум этилди
Тошкентда "Жанубий Корея операцияси" фош бўлди