Россияда коронавирус инфекциясига қарши вакцинанинг биринчи клиник синови 60 нафар кўнгиллида ўтказилади. Бу ҳақда “Вектор” вирусология ва биотехнология давлат илмий маркази бош директори Ринат Максютованинг баёнотига таяниб, РИА Новости хабар бермоқда.
Бош директорнинг сўзларига кўра, тадқиқот соғлом кишиларда ўтказилади ва ҳозирда кўнгиллиларнинг сони ортиб бормоқда.
“Бизга ҳатто Новосибирск вилояти ва бошқа узоқ минтақалар аҳолисидан ҳам қўнғироқлар бўляпти... Улар тадқиқотда кўнгилли сифатида иштирок этишни истамоқда”, деди Максютов.
Бош директорнинг сўзларига кўра, вакцинани олишни истаганлар орасида препаратнинг самарадорлиги ва хавфсизлигига ишонадиганлар ҳам бор.
Маълумот ўрнида, бугунга келиб дунёдаги кўплаб мамлакатларда коронавирусга қарши вакцина ўйлаб топиш борасида тинимсиз меҳнат қилинмоқда. “Бу ишлар ақл бовар қилмас тезликда кетмоқда”, дейилади ЖССТ баёнотида. Маълум бўлишича, бугун дунёнинг 70 дан зиёд давлатида вакцина устида бош қотирмоқда.
Аввалроқ, Туркиядаги Хажеттепе (Анқара) университетининг тиббиёт факультети профессори Атеш Каранинг маълум қилишича, коронавирусга қарши вакцинанинг ҳайвонларда ўтказилган синови муваффақиятли кечгани ҳақида ҳам маълум қилган эдик.
manba: Qalampir.uz
Тасодифий хабарлар
“Толибон” автомобилда мусиқа ёқишни тақиқлади
Rossiyada 2036-yilga kelib erkaklar yetishmovchiligi kuzatiladi
Ерга 21 май куни тунда астероид яқинлашади
Пенсия ва нафақа тайинлаш учун тақдим қилинадиган ҳужжатлар сони ўзгартирилди
Ерга яна бир улкан астероид яқинлашмоқда – NASA