Ижтимоий тармоқларда Ўзбекистон Республикасидаги барча олий таълим муассасаларида ўқиш 2020 йилнинг 2 сентябридан бошланиши тўғрисидаги хабарлар тарқалмоқда. Олий ва ўрта махсус таълим вазирлиги мазкур хабарларни асоссизлигини маълум қилди.
"Талабаларнинг олий таълим муассасаларига қайтиши Республика Махсус комиссияси қарорига мувофиқ, мамлакатимиздаги карантин ҳолатининг бекор қилинишига боғлиқ" дейилади вазирлик хабарида
Таъкидлашича, вазирлик “Mening Yurtim” телеканали билан ҳамкорликда “Аудитория”, “UzReport” телеканали билан ҳамкорликда “Теледарс” кўрсатувлари йўлга қўйилган. Шунингдек, Telegram мессенжерида @education_online канали ташкил этилган.
Шунингдек, Олий ва ўрта махсус таълим вазирлиги аҳоли ўртасида ваҳима тарқалишига сабаб бўладиган маълумотлар тарқатиш жиноий жавобгарликка сабаб бўлишини эслатиб ўтган.
Эслатиб ўтамиз, аввалроқ, юқумли касалликлар ҳақида ёлғон маълумот тарқатганлик учун жазо кучайтирилгани ҳақида хабар берган эдик.
Нуруллоҳ Шарипов
Тасодифий хабарлар
“Mustaqillik bayrami muborak bo‘lsin!”. Prezident 31-avgustni qanday o‘tkazdi?
Жаҳон банки билан қўшма лойиҳани амалга ошириш режалаштирилмоқда (Фото)
Британия ва Канада ҳам Путинга персонал санкция жорий қилди
Коррупция жиноятлари ҳақида хабар қилганларга бир марталик пул мукофоти берилади
ОТБ Ўзбекистонга 161 млн доллар қарз беради