Наманган шаҳри ҳокими янги лавозимга тайинланади

Наманган шаҳри ҳокими янги лавозимга тайинланади

Абдураззоқов Шавкат Шокиржоновични Ўзбекистон Республикаси Экология ва атроф муҳитни муҳофаза қилиш давлат қўмитаси раиси лавозимига тасдиқлаш ҳақида Қонунчилик палатасининг қарори қабул қилинди.

Депутат Расул Кушербаевнинг хабар беришича, ушбу масала палатанинг ялпи мажлисида кўриб чиқилди.

Ш.Абдураззоқов айни вақтга қадар Наманган шаҳар ҳокими вазифасида меҳнат қилмоқда эди.

«Янги раҳбар раислигидаги соҳада назорат кучайтирилиб, асоссиз равишда дарахтлар кесилмаслигига умид қиламиз», дея муносабат билдирди депутат.

×