Хитой ташқарисида 2019-nCoV штаммига эга бўлган коронавирусга чалинганлар сони стабил ошмоқда, дея маълум қилган "Известия" нашрига Е.И. Марциновский номидаги Паразитология, тропик ва трансмиссив касалликлар тиббиёт институти директори Александр Лукашев.
Лукашевнинг аниқлик киритишича, ҳар куни инфекцияни юқтирганлар сони тахминан 10–15%га ортмоқда.
Шифокор сўзларига кўра, коронавируснинг иқлим шароитига қараб тарқалиши тезлигини ҳозирча таҳлил қилиб бўлмайди, чунки тегишли статистика ҳали тақдим этилмаган.
Эксперт тахминига кўра, Россия ҳудудига касаллик Тожикистон ёки Ўзбекистондан кириши мумкин.
Марказий Осиёда назорат тизими юқори эмас, миграция кўлами эса ниҳоятда улкан, деди у.
Жаҳон соғлиқни сақлаш ташкилоти статистик маълумотларига кўра, 25 февраль ҳолатига дунёда янги коронавирусга чалинганлар сони 80 мингдан ошган. Ҳалок бўлганларнинг умумий сони 2,7 мингдан ошиб кетган.
Сал аввал "Ўзбекистон ҳаво йўллари" коронавирус авж олганлиги туфайли 1 март санасидан бошлаб Жанубий Кореяга парвозларни тўхтатиш қарорини қабул қилгани ҳақида хабар берган эдик.
Тасодифий хабарлар
Журналистни ҳибсга олган ички ишлар ходимига хизмат текшируви тайинланди
Янги ўқув йили учун тўлов-контракт миқдорлари белгиланди (Жадвал)
ИИББ Тошкентдаги безорилар тўқнашувига изоҳ берди (видео)
Коронавирусга кимлар умуман чалинмаслиги айтилди
Уммоннинг йирик компаниялари Чортоқ туманида беш юлдузли меҳмонхона ва виллалар қуради