Ўзбекистоннинг ЖЧдаги барча рақиблари маълум бўлди

Ўзбекистоннинг Жаҳон чемпионатидаги барча рақиблари маълум бўлди. Конго Демократик Республикаси сўнгги йўлланмани қўлга киритди.

Конго ДР терма жамоаси ЖЧ-2026 плей-офф баҳсида Ямайка жамоаси устидан 1:0 (қўшимча вақтларда) ҳисобида ғалаба қозонди. Ўйин Мексикадаги "Эстадио Акрон" стадионида бўлиб ўтди.

Асосий вақтда голлар урилмади. Қўшимча бўлимларда ягона голга Аксел Туанзебе (101-дақиқада) муаллифлик қилди.

Конго ДР терма жамоаси АҚШ, Мексика ва Канада мезбонлик қиладиган ЖЧ-2026 нинг “К” гуруҳида Португалия, Ўзбекистон ва Колумбия жамоалари билан бирга баҳс олиб боради.

Конго Демократик Республикаси ва Ўзбекистон ўртасидаги 3-тур учрашуви 28 июнь куни “Атланта” стадионида ўтказилади.