30 январь куни соат 11:40 да «Янги Ангрен» иссиқлик электр станциясида электр энергиясини ишлаб чиқаришга мўлжалланган 4-чи сонли энергоблокда носозлик юзага келиши натижасида 170 мегаватт қувват билан тўхтатилди.
Шу вақтда қозон агрегатининг том қисмида ёнғин юзага келиб станциянинг тезкор ҳодимлари томонидан бирламчи ўт ўчириш воситалари қўлланилди ва ўт ўчириш бригадаси жалб қилинди. Соат 14:00 да ёнғин бартараф этилди. Энергетика вазирлиги матбуот хизматига кўра, жабрланганлар мавжуд эмас.
Айни пайтда энергоблок таъмирга чиқарилди ва носозликни бартараф этиш чоралари кўрилмоқда. Мазкур ҳолатни ўрганиш юзасидан махсус комиссия ташкил қилинди.
Айни пайтда мазкур станциянинг 3 та энергоблоки жами 580 МВт қувват билан ишламоқда.
Ёнғин сабаб айрим ҳудудларда электр таъминотида узилишлар кузатилмоқда. Таъмирлаш ишлари қисқа фурсатларда якунланиб, электр энергияси таъминоти яхшиланиши таъминланади.
Тасодифий хабарлар
Фронтдаги вазият: Украина тактикани ўзгартирди Ҳозирча фронт чизиғи ўзгаришсиз қолмоқда, Украина қуролли кучлари Россия армиясининг фронт ортига зарба йўллашга эътибор қаратмоқда.
Юракни қувватлантирадиган ва унга зарар етказадиган маҳсулотлар
Шавкат Мирзиёев Ўзбекистон халқини Янги йил билан табриклади
Индонезияда уч нафар ўзбекистонлик қамоқхонадан қочди
Жиззахлик эркак бир гуруҳ одамни ўққа тутди