Туркия ҳукумати мамлакатга келувчилар учун янги қоидалар жорий этмоқда: йўловчилар коронавирусга топширган тести натижаси манфий эканлиги тўғрисидаги маълумотномани тақдим этишлари шарт. Бу ҳақда Туркия соғлиқни сақлаш вазири Фахреттин Кожа ўзининг Twitter саҳифасида маълум қилди.
“Чораларни кучайтиряпмиз. 28 декабрдан бошлаб Туркияга ҳаво йўли орқали ва 30 декабрдан бошлаб қуруқлик ёки денгиз йўли орқали келадиган барча йўловчилар мамлакатга кириб келгунигача 72 соатдан кўп бўлмаган вақт ичида коронавирусга топширган тести натижаси манфий чиққани тўғрисида маълумотномага эга бўлишлари шарт”, деб ёзди у.
Унинг қўшимча қилишича, Туркияга келувчилар тест натижасини самолётга чиқишдан олдин тақдим этишлари лозим. Акс ҳолда улар мамлакатга киритилмайди. Киритилган чоралар 2021 йил 1 мартгача амал қилади.
Сўнгги маълумотларга кўра, Туркияда коронавирус юқтирганлар сони 2,1 млн кишига етган, 19,3 мингдан ортиқ киши вафот этган.
Тасодифий хабарлар
Наманганда Халқаро қизлар мактаби очилди
Шавкат Мирзиёев Ҳиндистон бош вазири Нарендра Модини 70 ёшга тўлгани билан табриклади
Соатига 60 км чеклови қачондан, қаерда амал қилиши айтилди
IIV: fermerlarni “jazolagan” Kasbi tumani IIB boshlig‘i lavozimidan ozod etildi
Андижон вилояти ҳокими 795 миллион сўмлик янги "TAHOE" автомобилини харид қилди