“Ислом давлати”нинг янги раҳбари маълум бўлди

Британияда чиқадиган Guardian газетасининг ёзишича, Амир Муҳаммад Абдул Рахмон ал-Мауля ал-Салби ўтган йили октябрь ойида “Ислом давлати” террорчилик ҳаракатининг аввалги йўлбошчиси Абу Бакр ал-Бағдодий ўлдирилгандан кейин ўрнини эгаллаган.
Газетанинг иккита разведка ташкилоти вакилларидан олиб тарқатган хабарига кўра, ироқлик Амир ал-Салби шунингдек, Ҳожи Абдулла ва Абдулла Қардош номлари билан ҳам танилган.
АҚШ департаменти ҳали Ал-Бағдодий тирик вақтида Амир ал-Салбини гуруҳ раҳбарлигига энг биринчи номзодлардан бири, деб ҳисоблаганди. Ўшанда Оқ уй уни тутиш учун 5 миллион доллар ваъда ҳам қилган.