Шавкат Мирзиёев уйларнинг муҳтожларга эмас, таниш-билишларга берилаётганини танқид қилди

Шавкат Мирзиёев уй беришда ҳақиқатан муҳтож оилаларга эмас, балки таниш-билишчилик орқали иш кўрилаётганини танқид қилган.

Бу ҳақда президент кеча аҳолини уй-жой билан таъминлаш ва ипотека бозорини ривожлантириш масалаларига бағишланган йиғилишда гапирган. Шу тариқа давлат раҳбари мутасаддиларга кам таъминланган оилаларни танлашнинг шаффоф мезонини ишлаб чиқишни топширган.

Йиғилишда “Қишлоқ қурилиш инвест” компанияси босқичма-босқич хусусий секторга ўтказилиши айтилган. Уй-жойларни хусусий сектор томонидан қуришнинг янги тартиби ишлаб чиқилади.