Namangan viloyatidagi tergov hibsxonasida mahkuma to‘satdan vafot etdi. O‘zbekiston Respublikasi Bosh prokuraturasi jamoatchilik bilan aloqalar va huquqiy axborot bo‘limi boshlig‘i Hayot Shamsutdinov ushbu hodisa yuzasidan rasmiy ma'lumot berdi.
Ma'lum bo‘lishicha, 2019 yil 22 oktabr kuni soat 02:30lar chamasida Namangan viloyati IIB 6-son tergov hibsxonasida saqlanayotgan mahkuma Sh.M. o‘zi saqlanayotgan hibsxona kamerasida to‘satdan salomatligi yomonlashib, ko‘rsatilgan tibbiy muolajalarga qaramasdan vafot etgan.
Xabarda aytilishicha, mahkuma sud hukmiga ko‘ra Jinoyat kodeksining 168- va boshqa moddalari bilan uzoq muddatga ozodlikdan mahrum etilgan va mazkur sud hukmidan norozi bo‘lib apellyatsiya shikoyati yozgan.
Sud-tibbiy ekspertizasining dastlabki xulosasida, mahkuma Sh.M.ning o‘limi "yurakning kamqonlik kasalligi, o‘tkir yurak qon tomir yetishmovchiligi natijasida kelib chiqqanligi, marhumada tan jarohatlari aniqlanmaganligi" ko‘rsatilgan.
Mazkur holat yuzasidan Namangan tumani prokuraturasi tomonidan tergovga qadar tekshiruv harakatlari o‘tkazilmoqda.
Namangandagi tergov hibsxonasida mahkuma to‘satdan vafot etdi. Bosh prokuratura rasmiy ma'lumot berdi

Тасодифий хабарлар
НАМАНГАН ВИЛОЯТИ ИИБ ЙҲХБ БОШЛИҚЛАРИ БИЛАН ОЧИҚ СУХБАТ (видео)
Наврўз умумхалқ сайллари бекор қилинди
Тошкентда қўлбола ўт ўчириш мосламасини портлатганларга жиноят иши қўзғатилди (видео)
Benzin, elektr va gaz narxi baribir oshadigan bo‘ldi
Пригожиндан садо чиқди