Тошкентда "Жанубий Корея операцияси" фош бўлди

Шу йилнинг 31 июль куни Тошкент шаҳрининг Чилонзор тумани ИИО ФМБга тушган ҳужжатлар тўпламига кўра, номаълум шахс 2016 йил май ойида Сурхондарё вилояти Узун тумани Хурсанд қишлоғида яшовчи 26 ёшли А.И.га ўзини “Саримсаков Нодир Баходирович”-деб таништириб, уни Корея давлатига ишлаш учун жўнатишни ваъда қилиб, 3600 АҚШ доллари ва 450 000 сўм пулларини олиб берган ваъдасини бажармасдан, пулларни ўз эҳтиёжлари йўлида ишлатиб юборган.

Ўзбекистон Республикаси ИИВ Жамоатчилик ва ОАВ билан алоқалар бошқармасининг ёзишича, кўрилган чоралар натижасида ушбу жиноятни М.Улуғбек тумани Феруза даҳасида яшовчи 24 ёшли Н.С. содир этганлиги аниқланиб, ушланган. Тергов ҳаракатлари давом этмоқда.