O‘zbekiston banklari ikki oy ichida 235 mln dollar naqd valyuta sotdi

O‘zbekiston tijorat banklari joriy yilning 20-avgustidan 20-oktabrga qadar aholiga jami 234,5 million dollar naqd valyuta sotgani ma’lum bo‘ldi. Bu haqda Markaziy bankka tayanib, “Gazeta.uz” xabar berdi.
Ushbu davr oralig‘ida aholidan sotib olingan xorij valyutalarining miqdori esa 868,7 million dollarni tashkil etgan.
Eslatib o‘tamiz, 20-avgustdan mamlakat banklari valyuta ayirboshlash shoxobchalari orqali naqd ko‘rinishdagi xorij valyutasini sotishni boshlagan edi. Bunga qadar valyutani faqatgina kartaga tashlab olish mumkin edi.