Ҳусанов мундиалнинг энг тезкор футболчилари қаторига кирди

Ўзбекистон миллий терма жамоаси ҳимоячиси Абдуқодир Ҳусанов якунига етган Жаҳон чемпионатининг энг тезкор футболчилари қаторидан жой олди. Бу ҳақда FIFA хабар берди.

FIFA томонидан эълон қилинган расмий статистикага кўра, Ўзбекистон миллий терма жамоаси ҳимоячиси Абдуқодир Ҳусанов 2026 йилги жаҳон чемпионати давомида энг юқори тезлик қайд этган футболчилардан бири бўлди.

22 ёшли ҳимоячи мусобақа давомида соатига 36,46 километр тезликка эришиб, турнирнинг энг тезкор ўйинчилари рейтингида 6-ўринни эгаллади.

Шунингдек, Ҳусанов ушбу кўрсаткич бўйича барча ҳимоячилар орасида 3-поғонадан жой олди.

Эътиборлиси, Абдуқодир Ҳусанов Жаҳон чемпионати давомида 3 та учрашувда майдонга тушди. Ўзбекистон миллий терма жамоаси жорий Жаҳон чемпионатида Колумбия, Португалия ва Ўзбекистон терма жамоалари билан бир гуруҳдан жой олди ва барча учрашувларда мағлубиятга учради.