2025 йил ҳолатига кўра, Ўзбекистонда никоҳ барқарорлиги коэффициенти 175,6 промиллени ташкил этган. Бу ҳар 1000 та никоҳга ўртача 175 та ажрим тўғри келишини англатади. Бу ҳақда “Оила ва гендер” илмий-тадқиқот институти хабар берди.
Қайд этилишича, мазкур кўрсаткич халқаро миқёсда паст бўлиб, мамлакатда ажримлар даражаси кўплаб давлатларга нисбатан анча кам эканини кўрсатади. Жумладан, никоҳ барқарорлиги коэффициенти Молдовада – 642,7, Озарбайжонда – 431,9, Қозоғистонда – 328,2, Қирғизистонда эса – 289,6 промиллени ташкил этади. Бу рақамлар билан солиштирганда, Ўзбекистонда оила институти нисбатан барқарор экани намоён бўлади.
Ҳудудлар кесимида таҳлил қилинганда, Қашқадарё, Хоразм ва Сурхондарё вилоятларида никоҳ барқарорлиги юқори даражада сақланиб қолмоқда. Аксинча, Тошкент шаҳри, Сирдарё ва Тошкент вилоятида ажримлар нисбатан юқорироқ экани кузатилади.
“Таҳлиллардан кўринадики, Ўзбекистонда ажримлар даражаси халқаро кўрсаткичларга нисбатан анча паст бўлиб, бу жамиятда оилавий қадриятлар устувор эканини ва никоҳлар барқарорлигини кўрсатади”, дейилади хабарда.
Тасодифий хабарлар
Андижон банкларидаги мансабдорлар 15 миллиардан ортиқ кредит пулларини ўзлаштирган
Баъзи бир «газ заправкалар» томонидан 26 млрд сўмлик табиий газ талон-торож қилинган
Тошкент вилояти ҳокимлиги биноси панжаралари олиб ташланди. Ўрнига дарахтлар экилади
Фарғонада шифокорни калтаклаб, пул талаб қилган уч ўсмир ушланди
Эртага Ўзбекистонда қандай об-ҳаво кузатилади?