Эронга тегишли жуда катта нефть танкери (VLCC) АҚШ томонидан жорий этилган денгиз блокадасини муваффақиятли кесиб ўтди. Бу ҳақда “Fars” агентлиги хабар берди.
Маълум қилинишича, 2 миллион баррел нефть ташиш имконига эга супертанкер ҳеч қандай тўсиқларсиз ўз манзилига етиб борган. Санкциялар остида бўлган ушбу кема очиқ денгиз орқали ҳаракатланиб, Ҳормуз бўғозидан ўтган ва Эрон сув ҳудудига кирганда позициялаш тизимини ёққан.
АҚШ ва Исроил ҳарбий амалиёти бошланганидан сўнг, Эрон Ҳормуз бўғози орқали ҳаракатни чеклашини эълон қилган эди. Блокада жаҳон нефть нархларининг ошишига олиб келган, аммо кейинчалик АҚШ ва Эрон ўртасида икки ҳафталик вақтинчалик сулҳ келишуви эълон қилингач, нархлар пасайган.
Томонлар ўртасидаги музокаралар Покистонда ўтказилган, бироқ келишувга эришилмаган.
АҚШ жорий йилнинг 13 апрелидан бошлаб Ҳормуз бўғозини блокада қилганини эълон қилган ва 15 апрел ҳолатига кўра, ҳеч бир кема бу тўсиқни ёриб ўта олмаганини билдирган эди.
Теҳрон эса бу блокадани “муваффақиятсиз” деб баҳолаган. Шунингдек, Россия, Хитой ва Буюк Британия каби давлатлар ҳам бу чорага қарши чиқишган.
“The Wall Street Journal” маълумотига кўра, Саудия Арабистони ва бошқа нефть экспорт қилувчи давлатлар АҚШга босим ўтказиб, блокадани бекор қилишни талаб қилмоқда. Улар Эрон ҳусийлар орқали Баб-эль-Мандеб бўғозини ҳам ёпиб қўйишидан хавотир олишмоқда.
Тасодифий хабарлар
Умримизнинг 9 йилини «ўғирлайдиган» қурилма аниқланди
АҚШ Ўзбекистондан аслида нимани хоҳлайди: элчи Розенблюм иқрори
Дунёдаги энг яхши шаҳарлар рейтинги эълон қилинди. Тошкент нечанчи ўринда?
Президентнинг янги фармони: кўп пиёда юрганга кўп пул тўланади
Мирзиёев ҳокимларга ичимлик суви таннархини арзонлаштириш вазифасини қўйди