Сурхондарё вилояти божхона бошқармаси “Сариосиё” чегара божхона пости орқали қўшни давлатга йўл олган фуқаро белгиланган тартибда божхона назоратидан ўтказилганда унинг қўл юклари орасида оғзаки сўровда маълум қилинмаган 267 дона қадимий тақинчоқ қисмлари борлиги аниқланди. Бу ҳақда вилоят божхона бошқармаси хабар берди.
Билдирилишича, ушбу ашёларнинг қадимийлиги ва қийматини аниқлаш учун божхона ходимлари томонидан бадиий экспертиза тайинланган. Экспертлар хулосасига кўра, 39 дона осма безак кўринишидаги кумуш тангалар XIX асрда Бухоро амирлигида зарб қилинган, қолган тақинчоқ қисмлари ҳам XIX аср охири XX аср бошларига оид бўлиб, маданий бойлик ҳисобланади.
Ҳозирда ашёвий далиллар Термиз археология музейига топширилган бўлиб, ҳолат юзасидан божхона органлари томонидан текширув ҳаракатлари олиб борилмоқда.
Маълумот учун, Вазирлар Маҳкамасининг 1999 йил 23 мартдаги 131-сонли қарорига мувофиқ, 50 йил муқаддам ва ундан ҳам олдинроқ яратилган маданий бойликлар Ўзбекистондан олиб чиқиб кетилмайди.
Тасодифий хабарлар
Косонда мажбурий меҳнатга йўл қўйган бош шифокор жазоланди
Хави яқин соатларда “Барселона” мураббийи бўлади – ОАВ
“Имтиёзхўр монополист” ўзбекистонликларни кулгуга қолдираётгани аламли! – Кушербоев “UzautoMotors” ҳақида
Ўзбекистон AРМИ-2021да кучли учликка кирди
Коронавирус билан боғлиқ яна бир муҳим факт маълум бўлди