Навоийда 14 ёшли қиз ўз жонига қасд қилди

Навоий вилоятида 14 ёшли қиз яшаш хонадонининг хўжалик биносида ўз жонига қасд қилди. Бу ҳақда Бош прокуратура матбуот котиби Ҳаёт Шамсутдинов маълум қилди.

Билдирилишича, 2010 йилда туғилган вояга етмаган И.Ж. 28 февраль куни соат 10:30 ларда Кармана туманидаги яшаш хонадонининг хўжалик биносида арқон билан ўзини ўзи осиб, жонига қасд қилган ва воқеа жойининг ўзида вафот этган.

Қайд этилишича, И.Ж.нинг ўлим сабаби дастлабки текширув натижасига кўра механик асфикциядан келиб чиққанлиги аниқланган. Ҳозирда ушбу ҳолат бўича Кармана туман прокуратураси томонидан терговга қадар текширув ҳаракталари олиб борилмоқда.