Бухорода 12 ёшли қиз ҳомиладор бўлиб қолгани аниқланди

Бухоро вилоятида 12 ёшли қиз ҳомиладор бўлди. Бу ҳақда Болалар омбудсмани маълум қилди.

Қайд этилишича, қиз 4 ойлик ҳомила билан Бухоро шаҳар перинатал марказига ётқизилган. Ҳолат вояга етмаганлар ўртасида содир этилган. 

Олий Мажлиснинг Болалар ҳуқуқлари бўйича вакили Сурайё Раҳмонова ҳолат вояга етмаганларга оид эканлиги учун батафсил маълумот бериш мақсадга мувофиқ эмаслигини билдирди.

Шунингдек, Болалар омбудсмани воқеа бўйича жиноят иши қўзғатилиб, тергов олиб борилаётганини маълум қилди.