“15-март – Бутунжаҳон истеъмолчилар ҳуқуқлари куни” муносабати билан танлов эълон қиламиз

Аввал хабар берганимиздек, “15-март – Бутунжаҳон истеъмолчилар ҳуқуқлари куни” муносабати билан Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан “Истеъмолчилар ҳуқуқларини таъминлаш бўйича энг яхши корхона”ни аниқлаш учун танлов ўтказилади. 

Танловда корхоналар қуйидаги йўналишларда ғолиб бўлишлари мумкин:

Умумий овқатланиш

Чакана савдо

Онлайн савдо

Ишлаб чиқариш

Молиявий хизматлар

Телекоммуникация хизматлари

Ғолиблар Истеъмолчилар ҳуқуқларини ҳимоя қилиш соҳасидаги ваколатли орган томонидан таъсис этилган “Истеъмолчи ишончи” сифат белгиси эътирофига сазовор бўлади.

Танлов ғолибларини “15-март – Бутунжаҳон истеъмолчилар ҳуқуқлари куни” арафасида эълон қилинади ва тантанали тарзда мукофотлаш маросимида ғолибларга совғалар топширилади.

Танловда иштирок этиш учун 30-январдан 15-февралгача www.raqobat.gov.uz сайти орқали рўйхатдан ўтилади.

Қўшимча маълумот учун: (71) 207-47-00 (321, 266)

Батафсил

Танлов шартлари билан танишиб чиқиш PDF

Каналга уланиш