Қозоғистон Россияга нисбатан жорий қилинган санкциялар режимига амал қилади ва Берлин бу борада ҳеч қандай хавотирга тушмаслиги керак. Бу ҳақда Қозоғистон президенти Қосим-Жўмарт Тўқаев Германия канцлери Олаф Шолс билан музокарадан сўнг ўтказилган матбуот анжуманида маълум қилди.
«Қозоғистон санкцияларни четлаб ўтиш эҳтимоли бўйича санкция режимига амал қилишини аниқ маълум қилди. Санкциялар режимига риоя қилиш учун тегишли ташкилотлар билан алоқаларимиз бор. Менимча, Германия томонидан санкцияларни четлаб ўтишга қаратилган ҳаракатлар бўйича хавотир бўлмаслиги керак», – деган Тўқаев.
Шунингдек, Қосим-Жўмарт Тўқаев Қозоғистон Россия ва Украина ўртасидаги душманчиликни тўхтатишга ва БМТ меъёрлари бўйича музокаралар ўтказишга ёрдам беришини таъкидлади.
«Россия ҳам, Украина ҳам музокараларга тайёр, лекин бу учун аниқ платформа ҳозирча йўқ. Икки томон ҳам бир-бирини айблашни бас қилиши ва икки томонни ҳам қониқтирувчи таклифлар ишлаб чиқилиши лозим», – дейди Қозоғистон раҳбари.
Тасодифий хабарлар
400 доллар эвазига «права» олиб бермоқчи бўлган жиноий гуруҳ қўлга олинди
Наманганда 1 900 000 сўмга нархланган чақалоқ
АҚШнинг Тошкентдаги элчихонаси туристик виза билан боғлиқ янгиликни эълон қилди
Супер контракт нархлари шу ҳафта охирида тасдиқланади
Ўзбекистонда «Ҳарбий қасамёд» ўрнига «Ватанга қасамёд» жорий қилинади