Россиянинг Уляновск автомобиль заводи (УАЗ) Ўзбекистонда автомобиль йиғишни йўлга қўймоқчи. Бунинг учун Тошкент вилоятидаги “Чирчиқ” технопарки майдони кўриб чиқилмоқда.
“УАЗ вакиллари Ўзбекистонда автомобиль йиғишни йўлга қўйиш ниятини билдирди ва бунинг учун технопарк майдонларини кўриб чиқмоқда”, — дейилади технопарк матбуот хизмати хабарида.
Маълум қилинишича, УАЗ Россия автомобиль заводи вакиллари 21 август куни “Чирчиқ” кимё-индустриал технопаркига ташриф буюриб, бу борадаги қизиқишини билдирган. Ташриф давомида меҳмонлар технопарк фаолияти билан танишди ва резидент мақомини олган инвесторлар учун имкониятлар ҳақида гапириб берилди.
“Уляновск автомобиль заводи” (УАЗ) 1941 йилда ташкил этилган. УАЗ савдо маркаси остида юқори ўтиш қобилиятига эга тўлиқ ғилдиракли енгил ва кам тоннажли юк-йўловчи автомобилларини ишлаб чиқаришга ихтисослашган. 2000 йилдан Соllers автомобиль концерни таркибига кирди.
Бундан бир неча йил аввал УАЗнинг МДҲ бўлими раҳбари Алексей Заболотнов УАЗ автомобилларини Ўзбекистонда ишлаб чиқаришни йўлга қўйиш режаси ҳақида гапирганди. “Ўзбекистонда автомобиль бизнеси борасида жуда яхши имкониятлар бор”, — деган эди у Тошкентда ўтказилган кўргазмада.
Тасодифий хабарлар
Исроилда шифокорлар боланинг узулиб кетган бошини қайта тиклади
Instagram’га янги функция қўшилди
«Замонавий шароитлар яратяпмиз – энди натижага ишлаш керак» – Президент
Тошкентда 20 ёшли "афсунгар" қизга йигитини 33 млн. сўмлик тақинчоқ эвазига "иситиб" беришини айтиб ваъдасини бажармади
«Биз уйдан чиқа олмаяпмиз» – афғонистонлик олим Кобулдаги вазият ҳақида