Украина Қуролли кучлари Чонгар ва Геническдаги автомобиль кўприкларига ракета ҳужуми уюштирди. Бу ҳақда Қуролли кучлар бош қўмондони девони Стратегик алоқалар бошқармасининг Telegram-каналида маълум қилинди.
Херсон вилояти губернатори вазифасини бажарувчи Владимир Сальдога кўра, Украина Қуролли кучлари кўприклар – Чонгар ҳамда Қримнинг Геническ ва Арабат ўтиш жойларини ўққа тутган.
“Улар Тонкий бўғози орқали Геническ шаҳрини Арабат билан боғловчи кўприкни ўққа тутди. Отилган 12 та ракетанинг 9 таси ҳаво мудофааси томонидан уриб туширилди. Етиб келиш вақтида кўприкдан ўтиб кетаётган бир фуқаро яраланди”, деб ёзган Сальдо.
Оқибатда 20 мингдан ортиқ аҳоли қувур узилиши туфайли газсиз қолган.
Шунингдек, у Украина Қуролли кучлари Қрим ва Херсон вилояти ўртасидаги Чонгар кўпригига ҳужум қилиб, Чонгар қишлоғини ўққа тутганини айтган.
Унинг даъво қилишича, отишма давомида Украина ҳарбийлари Буюк Британияда ишлаб чиқарилган Storm Shadow ракеталаридан фойдаланган.
Ҳозирда Чонгар кўприги вақтинча ёпилган.
Эслатиб ўтамиз, кеча, 6 август куни учувчисиз учиш қурилмалари билан яна Москва вилоятидаги объектларга ҳужум қилинганди. Даъво қилинишича, ушбу ҳужум Украина томонидан амалга оширилган.
Тасодифий хабарлар
“AIF” платформаси бўйича жиноят иши қўзғатилди. Одамлар катта пулга чув тушди
Андижонда университетнинг 4-қаватидан аёл тушиб кетди
8 йил аввал бедарак йўқолган 17 яшар қизнинг дараги чиқди. Уни ўгай отаси....
НАТО ПА Россияни террорчи давлат деб тан олишга чақирди
"Жаҳон ака, босинг! Биз сизга ишонамиз!" Аҳад Қаюм Жаҳонгир Отажоновни ўзбек санъатида янги қизиқчи деб атади (видео)