Ўзбекистон Жаҳон чемпионатига мезбонлик қилади

ФИФА Кенгашининг навбатдаги йиғилишида 2024 йили футзал бўйича Жаҳон чемпионати Ўзбекистонда ўтказилиши белгиланди.

Бугун, 23 июнь куни ФИФА Кенгашининг навбатдаги йиғилиши бўлиб ўтди. Кун тартибидан ФИФА миқёсидаги бир қатор мусобақалар, хусусан, футзал ва футбол бўйича жаҳон биринчилиги мусобақаларига мезбон мамлакатларни белгилаш масалалари ўрин олди.

Эътиборли жиҳати, 2024 йилги футзал бўйича жаҳон чемпионати мусобақаси Ўзбекистонда ўтказилиши белгиланди.

Маълумот учун, Ўзбекистон ФИФА тасарруфидаги Жаҳон чемпионатига биринчи бор мезбонлик қилади.

Эслатиб ўтамиз, мусобақа 2024 йилнинг 6 сентябридан 5 октябригача бўлиб ўтади. Унда 6та конференциядан 24та жамоа иштирок этади.

ЎФА Жаҳон чемпионатини қабул қилиш учун ФИФАга 4та арена рўйхатини киритганди.

“Универсал” спорт саройи

“Хумо” арена

“Алпомиш” муз саройи

“Юнусобод” спорт мажмуаси