Туркияда юз берган зилзила оқибатида вафот этган асли андижонлик 56 ёшли фуқаронинг жасади Ўзбекистонга юборилди. Бу ҳақда Ўзбекистон Республикасининг Истанбул шаҳридаги Бош консулхонаси хабар берди.
Қайд этилишича, у Туркиянинг Ҳатай шаҳрида вафот этган. Унинг жасади бугун, 11 февраль куни Истанбул аэропортидан Фарғона шаҳрига юборилган.
“Марҳумни Аллоҳ раҳматига олсин. Яқинларига сабр тилаймиз. Бу борада Бош консулхонага моддий ва маънавий ёрдам берганларга ташаккур билдирамиз”, дейилади консулхона хабарида.
Маълумот учун, ҳозирда ушбу вилоятдаги қидирув-қутқарув жараёнларига жалб этилган ўзбекистонлик қутқарувчилар ўз ишини давом эттирмоқда.
Аввалроқ Туркиядаги содир бўлган даҳшатли зилзилада жароҳатланган 11 нафар ўзбекистонлик Тошкентга олиб келингани ҳақида хабар берилган эди.
Эслатиб ўтамиз, Ўзбекистон Туркияда содир бўлган зилзила оқибатларини бартараф этишда фаол иштирок этмоқда. Президент Шавкат Мирзиёевнинг топшириғи билан жорий йининг 6 февраль куни кучли зилзиладан азият чеккан Туркияга инсонпарварлик ёрдами жўнатилди.
Бундан ташқари, дастлаб 100 кишилик қидирув-қутқарув гуруҳи, жорий йилнинг 9 февраль куни эса 71 кишилик иккинчи гуруҳ Туркияга юборилди.
Тасодифий хабарлар
Бухорода 13 ёшли қиз аммасининг ўғлидан фарзандли бўлди
Сафоев Ўзбекистоннинг Қорабоғдаги тўқнашувлар бўйича позициясини очиқлади
Ана холос! Янги бош вазир шов-шувли жиноятга алоқадор?!
Ўзбекистон аҳолисида қанча автомобиль борлиги маълум бўлди
Маккада Наманганнинг инвестицон салоҳияти тақдимоти ўтказилмоқда (фото)