Америка махсус хизматининг собиқ ходими Эдвард Сноуден амалдорлар WhatsApp ва Telegram мессенжерларидан фойдаланмасликлари кераклигини айтди, деб ёзади Spot.
У France Inter радиосига интервью бераётган чоғида журналист Франция бош вазири Эдуар Филипп WhatsApp, президент Эммануэл Макрон эса Telegram мессенжеридан фойдаланишини айтди. Сноуден бунга жавобан, вазирларнинг WhatsApp’дан фойдаланишлари «катта хато» эканлигини таъкидлади. У Facebook компанияси 2014 йилдан мазкур илованинг эгасига айланганини айтди.
«Улар турли ҳимоя даражаларини қатламма-қатлам ўчиришади», — деди у.
Сноуденнинг сўзларига кўра, бу компанияга зарурат туғилганда фойдаланувчиларнинг суҳбат ва ёзишмалари мазмунидан хабардор бўлиш имконини беради.
Шу билан бирга у Telegram борасида ҳам танқидий фикр билдирди.
«Агарда бош вазир бўлсангиз, ҳар икки дастур ўта хавфли», — қайд этди у.
Аммо Сноуден WhatsApp ва Telegram СМС-хабарлардан кўра хавфсизроқ эканлигини эътироф этди.
У Signal ва Wire мессенжерларидан фойдаланишни тавсия қилди. Сноуденнинг фикрича, бу иловаларда шифрлаш анча яхши.
Тасодифий хабарлар
Наманганда валюта қимматликларининг ноқонуний муомалага киритилишининг олди олинди
Наманган каналидан 12 ёшли қизнинг жасади топилди
Ўзбекистонда йўл ҳаракати қоидаларини тизимли равишда бузган ҳайдовчига жиноий жавобгарликни кучайтириш режалаштирилмоқда
Монополия ҳодимилари учун семинар
Агар Ғарб Украинага ёрдам бермаса, чекинишга мажбур бўламиз – Зеленский