Таровеҳ намозларида мактаб ёшидаги болалар ва 65 ёшдан ошганларнинг иштирокини камайтириш тавсия этилди

Коронавирусни юқтирганлар сони кунлик 300 дан ошиб бориши ортидан бугун Бош вазир Aбдулла Aрипов раислигида коронавирусга қарши кураш комиссиясининг кенгайтирилган йиғилиши бўлиб ўтмоқда.

Маълум қилинишича, Ўзбекистонда 15 мартдан 15 апрелгача коронавирус инфекцияси билан 5,5 минг касаланиш ҳолати кузатилиб, ҳар юз минг одамнинг 0,8-0,9 фоизига тўғри келмоқда. Бу кўрсаткич январ ойида 0,2 фоиз бўлган.

Шу сабабли, масжидларда Таровеҳ номозларини ўқишга мактаб ёшидаги болаларнинг ва 65 ёшдан ошган фуқароларнинг иштирокини камайтириш кераклиги Санитария-эпидемиологик осойишталик ва жамоат саломатлиги хизмати томонидан тавсия этилди.

Санитария-эпидемиологик осойишталик ва жамоат саломатлиги хизмати раҳбари Баҳодир Юсуфалиев маълумот беришича, кунига 35-40 минг аҳоли эмланмоқда. Коранавирус тестини ўтказиш ҳам оширилиб, кунига 40-42 минг нафар фуқарода тест таҳлиллари ўтказилмоқда.