Наманган вилояти Поп тумани йўлида икки юк машинаси тўқнашгани ҳақида ижтимоий тармоқларда хабар тарқалди. Вилоят Йўл ҳаракати хавфсизлиги бошқармаси ҳолат юзасидан маълумот берди.
Таъкидланишича, 4Р-112 Фарғона ҳалқа йўли автомобиль йўлининг 25-километрида ҳаракатланиб кетаётган юк автомашинаси ҳайдовчиси ухлаб қолиши оқибатида светафорнинг қизил чироғида тўхтаб турган трейлернинг орқасига урилган.
Ҳодиса оқибатида юк автомашинаси ҳайдовчиси бош мия жароҳати билан Поп туман шифохонасига ётқизилган. Трейлердаги 9 та «Damas» техник шикастланган. Ҳолат юзасидан қўшимча суриштирув ишлари олиб борилмоқда.
«Ҳурматли ҳайдовчилар, ҳаракат вақтида ҳушёрликни йўқотманг! Чарчоқ аломатлари сезилганда, автомашинани тўхтатиб, бироз дам олинг!» дейилган хабарда.
Тасодифий хабарлар
Ўзбекистон халқ бахшиси Шомурод Махманов вафот этди
Покистонда жангарилар фонд биржасига ҳужум уюштирди
Қозоғистондаги авиаҳалокат қурбонлари орасида ўзбекистонликлар борми?
Шифокор вирусга қарши препаратлар коронавирусни енга олмаслигини айтди
“UzAuto Motors” энг оммабоп автомобильларнинг сотувини тўхтатди