Ўзбекистонликларнинг илк гуруҳи Умра зиёратига жўнаб кетди (фоторепортаж)

Бугун эрта тонгда “Умра – 2022” мавсумининг илк зиёратчилари Тошкент халқаро аэропортидан Саудия Арабистонига жўнаб кетдилар. Бу ҳақда Ўзбекистон мусулмонлари идораси хабар қилди.

Маълум қилинишича, Умра сафарига йўл олган ўзбекистонликларни кузатиш учун таниқли уламолар, имом-домлалар ва мутасаддилар Тошкент халқаро аэропортида жам бўлган.

Маълумот ўрнида, 25, 28 январь кунлари навбатдаги рейслар амалга оширилади. Келгусида рейслар сезиларли даражада ошириб борилади.

Ўзбекистонликлар учун Умра зиёратини амалга ошириш 2020 йилнинг февраль ойида коронавирус дунё бўйлаб “саёҳатга чиққач” тўхтаб қолганди.

Орадан қарийб икки йил ўтиб, жорий йилнинг 5 февраль куни ўзбекистонликлар учун Умра сафарига йўл очилди.