Шу кунларда «таҳлилчи» Анвар Назир ижтимоий тармоқларда «Толибон» Ҳаракати гўёки Афғонистон ҳудудида мактаб дастуридан ўзбек тилини олиб ташлагани ҳақидаги янгиликни жойлаштирди, дейилади Ўзбекистон Республикаси Ташқи ишлар вазирлиги расмий вакилининг ахборотида.
«Бундан келиб чиққан ҳолда, ушбу шахс Афғонистонда Амир Темур, Шайбонийхон, Бобораҳим Машраб, Маҳмуд Ғазнавий, Абу Райҳон Беруний меросининг ўрганилиши ҳамда навоийшуносликнинг ҳам таъқиқлангани ҳақида хулоса қилади.
Шуни маълум қиламанки, Ўзбекистон Республикаси Ташқи ишлар вазирлиги вакилининг «Толибон» Ҳаракати расмий раҳбарияти билан бўлиб ўтган суҳбати чоғида ушбу ахборотнинг ҳақиқатга зидлиги таъкидланди.
«Толибон» вакили ўзбек тили, пушту ва дари тиллари билан бир қаторда, бундан буён ҳам Афғонистоннинг расмий тилларидан бири бўлиб қолишини тасдиқлади. Ўзбек тилини ўрганиш ва ривожлантиришга, толиблар расмий вакилининг маълумотига кўра, мамлакат янги раҳбарияти алоҳида эътибор қаратади», дейилади муносабатда.
Тасодифий хабарлар
ҲАМАС ядро қуроллари жойлашган Исроил базасига зарба берган – NYT
Ерга 21 май куни тунда астероид яқинлашади
Хитойдан қотил қовоғарилар чиққани ростми?
Эркак ўз чайласида танишини пичоқлаб ташлади
Даҳшат! 11 ёшли қиз синфдошига 100 мартага яқин пичоқ урди