«Навбаҳор»нинг 5 ойлик мағлубиятсиз серияси якунланди

Наманганнинг «Навбаҳор» клуби Суперлига 20-тури доирасида «Бунёдкор»га қарши кечган ўйинда 1:2 ҳисобида ютқазиб қўйди. Бу мағлубиятда кейин «Навбаҳор»нинг Суперлигада беш ой давом этган мағлубиятсиз серияси якун топди. Самвел Бабаян қўл остидаги жамоаси бунга қадар қаторасига 14 ўйинда ютқазмаганди (8 ғалаба, 6 дуранг). Охирги марта «Навбаҳор» 26 апрель куни Суперлига 5-тури доирасида «Сўғдиёна»га қарши ўйинда (1:2) таслим этилганди. Шу тариқа «лочинлар»нинг «Бунёдкор»га қарши сафар ўйинларидаги ғалабасиз серияси 17 та ўйинга етди. Шу вақтга қадар 14 та ўйинда «қалдирғочлар»нинг қўли баланд келган бўлса, 3 та ўйинда дуранг қайд этилган. Қайд этиш керак, «Навбаҳор» шу вақтга қадар Ўзбекистон чемпионати доирасида «Бунёдкор»ни Тошкентда мағлуб эта олмаган.