Наманган вилоятида 3 та янги коронавирусга чалиниш ҳолати қайд этилди

8 июнь соат 9:00 ҳолатига Наманган вилоятида коронавирус инфекцияга чалинган беморлар сони 270 нафарга етди.

Янги қайд этилган ҳолатларнинг 1 таси Наманган туманида аҳоли орасида қайд этилган бўлса, 2 та ҳолат карантин муассасасидаги Наманган шаҳри ва Чуст туманида яшовчи фуқароларда аниқланган. Беморларнинг барчаси эркаклар.

Вилоятимиз бўйича бугунга қадар коронавирусга чалинган жами 270 нафар фуқародан 251 нафари (93 фоиз) тузалди. 4 киши вафот этган. Ҳозирда вилоят юқумли касалликлари шифохонасида 15 нафар – Тўрақўрғон туманидан 5 нафар, Уйчи туманидан 4 нафар, Наманган шаҳри, Наманган, Косонсой, Поп, Чуст ҳамда Янгиқўрғон туманидан 1 нафардан – бемор даволанмоқда.

Вилоятдаги карантин муассасаларида 782 нафар, уй карантинида 2709 нафар фуқаро тиббий кузатувда бўлиб турибди.

Namanganliklar.Uz