Саудияда сўнгги 30 йилдаги энг совуқ ҳаво кузатилмоқда

Саудия Арабистони шимолидаги Турайф ҳудудида ҳаво ҳарорати кескин пасайиб, -6 даражагача тушди. Бу ҳақда подшоҳликнинг Миллий метеорология марказига асосланиб, ТАСС хабар бермоқда.

Бу мамлакатда охирги 30 йилда кузатилган энг паст ҳароратдир. Паст ҳарорат шимолий Ал-Қурайят (-5 даража) ва Арар (-4 даража) вилоятларида ҳам совуқ ҳарорат қайд этилган. Турайф шаҳрида эса совуқ ҳаво билан бирга кучли қор ёғиши ҳам кузатилган.

Метеорологларнинг маълумотларига кўра, подшоҳлик шимолида ғайритабиий совуқлик тўлқини шу ҳафта охиригача давом этади, марказий ва шарқий ҳудудларда эса ҳаво ҳарорати кескин совийди.

Шимолий вилоятлар расмийлари турар-жой биноларини иситиш учун зарур бўлган керосин тақчиллиги таҳдиди туфайли одамларнинг ёқилғи қуйиш шохобчаларида йиғилганини таъкидлаган.

Паст ҳароратлар Мадина (9 даража), Макка (11 даража) ва Ар-Риёдда (16 даража) ҳам қайд этилган.